Fréttir

Félagsfundur

Sjálfstæðisfélag Seltirninga, Baldur og fulltrúaráð þeirra halda sameiginlegan félagsfund í sal félagsins að Austurströnd 3, 3. hæð, fimmtudaginn 10. júní 2010 klukkan 19:30.

1. Úrslit kosninga.

2. Kosning fulltrúa á 39. landsfund Sjálfstæðisflokksins, sem verður haldinn dagana 25. og 26. júní n.k.

3. Önnur mál.

Við þökkum bæjarbúum fyrir traustið og stuðninginn

Frambjóðendur Sjálfstæðisflokksins á Seltjarnarnesi þakka öllum þeim sem lögðu flokknum lið í kosningabaráttunni. Fulltrúar Sjálfstæðisflokksins þakka það traust og þann stuðning sem bæjarbúar sýndu flokknum með því að greiða honum atkvæði.

Kjörnir fulltrúar Sjálfstæðisflokksins á Seltjarnarnesi munu vinna eftir þeirri stefnu sem mörkuð var í aðdraganda kosninganna og leggja áherslu á að vinna með bæjarbúum að áframhaldandi lífsgæðum á Nesinu.

Stórsigur á Seltjarnarnesi - D-listi með 5 bæjarfulltrúa af 7

Sjálfstæðismenn á Seltjarnarnesi unnu stórsigur í sveitarstjórnarkosningunum í dag. Flokkurinn hélt ekki einungis meirihluta sínum heldur fékk hann kjörna 5 bæjarfulltrúa af 7, en það hefur ekki gerst áður að D-listi fái 5 bæjarfulltúa í tvennum kosningum í röð.

Úrslitin í heild voru sem hér segir: D-listi fékk 1319 atkvæði og 5 bæjarfulltrúa. S-listi fékk 445 og 1 bæjarfulltrúa, N-listi fékk 355 atkvæði og 1 bæjarfulltrúa. B-listinn fékk 148 atkvæði og engan kjörinn. - Auðir seðlar voru 148 og ógildir 17.

Þessi glæsilegi sigur Sjálfstæðisflokksins er mikil viðurkenning fyrir oddvita D-listans, Ásgerði Halldórsdóttur bæjarstjóra og samherja hennar. Ásgerður tók við starfi bæjarstjóra á síðastliðnu ári en hún hefur setið í bæjarstjórn frá árinu 2002 og býr því að mikilli reynslu.

Sigurinn er einnig vottur um að kjósendur hafa metið þá ábyrgu stefnu sem fylgt hefur verið í viðbrögðum við þeim erfiðleikum sem steðjað hafa að bæjarfélaginu.

Þetta traust er kjósendum einlæglega þakkað en það er afar mikils virði fyrir áframhaldandi starf fulltrúa Sjálfstæðisflokksins að hag  og velferð bæjarbúa. 

Bæjarstjórnarkosningar 29. maí 2010

Kjörsókn á Seltjarnarnesi

kl. 10:00 = 87

kl. 11:00 = 221   -   6,8%   (2006; 7%)

kl. 12:00 = 390   -   11,4%

kl. 13:00 = 583   -   17,8%

kl. 14:00 = 821   -   25,1%

kl. 15:00 = 1143 -   34,9%  (2006; 33,7%)

kl. 16:00 = 1374 -   42,0%

kl. 17:00 = 1546 -   48,0%

kl. 18:00 = 1823 -   55,0%  (2006; 58,5%)

kl. 19:00 = 2061 -   63,0%

kl. 20:00 = 2132 -   65,0%  (2006; 71,8%)

Á kjörskrá eru 3272.

Utankjörfundaratkvæði 185.

* Uppfært á klukkutímafresti.

Bjarni Torfi í baráttusætinu

Bjarni Torfi Álfþórsson, sem skipar 5. sæti D-listans, hefur látið mikið til sín taka í bæjarmálunum á Seltjarnarnesi undanfarín ár og er því öllum hnútum kunnugur. Bjarni var bæjarfulltrúi árin 2002 til 2006. Hann var formaður skólanefndar og nefndarmaður í félagsmálaráði í fjögur ár. Þá var hann  formaður Gróttu í sjö ár. Hann er handhafi gullmerkis Gróttu og starfsmerkis UMSK.

Bjarni er menntaður kennari og kerfisfræðingur. Hann hefur starfað sem lögreglumaður, var kennari við Mýrarhúsaskóla árin 1992 til 1995, var ráðgjafi hjá Oracle í Englandi 1997 til 2001, en starfar nú sem ráðgjafi hjá Símanum.

Áskorun á stuðningsmenn D-listans að mæta á kjörstað

Nýr Seltirningur kominn út

Nýr Seltirningur er kominn út með fjölbreyttu efni. Ásgerður Halldórsdóttir bæjarstjóri og oddviti sjálfstæðismanna segir að í fyrsta sinn í fjölda ára etji sjálfstæðismenn kappi við þrjú mótframboð. Ásgerður segir að málefnastaða flokkanna þriggja  byggist á því að reyna að segja að fjárhagur Seltjarnarnesbæjar sé illa á sig kominn. "Látum ekki ósamstæða andstæðinga rugla okkur í ríminu. Ég trúi því að kjósendur sjái í gengum blekkingavef andstæðinganna", segir Ásgerður bæjarstjóri og oddviti D-listans. (Lesa meira)

Utankjörstaðakosning í Laugardalshöll

Ertu í bænum um helgina?

Ef ekki þá viljum við benda á utankjörstaðakosninguna sem fer fram í Laugardalshöllinni.
Opið frá kl. 10 til kl. 22 fram að kjördegi. 

Hvert atkvæði skiptir máli.

Kveðja frá frambjóðendum.